Бразилиялик UFC афсонаси Андерсон Силва икки вазн тоифаси собиқ чемпиони Конор Макгрегорни жангга чорлади.
«Мен Конор Макгрегорни спортчи сифатида ҳурмат қиламан. Ўйлашимча, бизнинг иштирокимиздаги супержанг яккакурашлар тарихига кириши мумкин. Биз ҳеч нарсани исботлашимиз шарт эмас. Мухлислар бизнинг жангни кўришдан хурсанд бўлади. Мен эса унга қарши тўқнашувда яккакурашдаги салоҳиятимни синовдан ўтказиб олардим», — дейди Андерсон Силва.
Бразилиялик спортчи ўрта вазн тоифаси вакили ҳисобланади. У Конорга ярим ўрта вазнда жанг қилишни таклиф қилган.
Ирландиялик яккакурашчи бу чорловга розилик берди.
«Мен чорловни қабул қиламан.
Ўрта вазн. ‘Бомба’ жангни кўришни хоҳлайсизми?», — дея ёзади Конор.
Эслатиб ўтамиз, Конор енгил ва ўрта енгил вазн тоифалари собиқ чемпиони ҳисобланади. Сўнгги жангида у ярим ўрта вазн тоифаси вакили Дональд Серронени 40 сония ичида нокаутга учратганди.
31 ёшли Макгрегор MMA’да 2008 йилдан буён фаолият юритиб келади. У жами 26 та жанг ўтказиб, уларнинг 22 тасида ғалаба қозонган (19 таси муддатидан аввал) ва 4 марта мағлуб бўлган.
Мавзуга доир:
- Конор Макгрегор тарихдаги энг яхши яккакурашчилар рейтингини тузди. Ундан Ҳабиб жой олмади
- 2019 йилнинг энг яхши жангларидан бири Андерсон Силва ва Исраэл Адесаня ўртасида кечган. Уни томоша қилинг (видео)
- Конор Макгрегор рақибини 13 сонияда нокаутга учратган жангини кўрганмисиз? (видео)
- Конор Макгрегор чемпионлик жангида иштирок этмайди. UFC президенти буни тасдиқлади
Изоҳ (0)