Аксарият мухлислар футболдаги ўйинчи алмаштирилишини зарурият деб ҳисоблайди.
Авваллари бирор бир футболчи жароҳат олса, ўша жамоа озчиликда ўйнашга мажбур бўлган. Кейинчалик эса жароҳатланган футболчиларнинг бошқа ўйинчи тушириш имконини берадиган янги қоида ўйлаб топилди. Вақт ўтиши билан мураббийлар тактика ва ўйинга ўзгартириш киритиш мақсадида захира ўйинчиларидан фойдалана бошлади. Тарих шуни кўрсатадики, ҳақиқатан ҳам моҳирона алмаштиришлар учрашув тақдирини бутунлай ўзгартириб юборади.
Қуйида айнан шундай муҳим алмаштиришлар тўғрисида сўз боради.Оле-Гуннар Сульшер («Манчестер Юнайтед», 1999 йилги Чемпионлар Лигаси финали)
«Манчестер Юнайтед»нинг амалдаги устози футболчи сифатида 1996 йилда «қизил иблислар» сафига қўшилади.
У дебют ўйинидаёқ захирадан майдонга тушиб, рақиб дарвозасини ишғол этганди. Сульшер бу ишни 29 маротаба такрорлайди. Аммо унинг захирадан тушиб, урган энг муҳим голи, шубҳасиз, 1999 йилги Чемпионлар Лигаси финалида «Бавария» дарвозасига киритган голидир.Гарет Бэйл («Реал», 2018 йилги Чемпионлар Лигаси финали)
Бэйл Чемпионлар Лигасининг финал учрашуви унинг иштирокисиз бошланганидан ғазабда эди. Уэльслик футболчи захирада қолдирилади ва 61-дақиқага келибгина, ҳисоб 1:1 бўлган пайтда майдонга туширилади. Уч дақиқа ўтар-ўтмас Бэйл ақл бовар қилмайдиган зарбаси билан «қироллик клуби»ни олдинга олиб чиқади.
Бироздан сўнг эса Бэйл иккинчи голини ҳам голини уради. Тўғри, бу голда «Ливерпуль» дарвозабони Кариуснинг ҳам «ҳисса»си бўлган.Жулиано Беллетти («Барселона», 2006 йилги Чемпионлар Лигаси финали)
Чемпионлар Лигаси финали, 2006 йил. Ҳисоб 1:1. «Арсенал» тўртинчи унвонни қўлга киритиш учун шиддат билан ҳаракат қилаётганди. 71-дақиқада майдонда Жулиано Беллетти пайдо бўлди. Аввалига Самюуэль Это’O 76-дақиқада ҳисобни тенглаштиради. Жулиано эса 81-дақиқада «Барселона»га ғалаба келтирган голга муаллифлик қилади.
Беллеттининг «Барселона»ни қутқариши ҳақида ҳеч ким ўйламаган ҳам бўлса керак, бироқ футбол ҳар доим олдиндан тахмин қилиб бўлмайдиган спорт тури бўлиб келган.Жоржиньо Вейналдум («Ливерпуль», 2018/19 йилги Чемпионлар Лигаси ярим финали)
«Барселона»га қарши ярим финал ўйинида «қизиллар» устози Юрген Клопп ҳамма нарсани тўғри қилди – танаффус вақтида Эндрю Робертсон ўрнига Жоржиньони майдонга туширди. Айнан нидерландиялик футболчи дубль қайд этиб, каталон клубини мусобақадан чиқариб юборди.
Натижа: 4:0. Бу Европа мусобақаларининг замонавий тарихидаги энг яхши камбэкларидан бири. Асосий ролда эса Жоржиньо Вейналдум!Эдер (Португалия, Евро–2016 финали)
Супер алмаштиришлар фақатгина Чемпионлар Лигасида бўлмаган.
Евро–2016 да ҳеч ким Португалиядан ўзгача бир шижоатни кутмаганди. Ҳатто жамоа сардори Криштиану Роналду ҳам жароҳати туфайли финал юлдузига айланолмаганди. Айнан ўша пайтда кўпчиликка яхши таниш бўлмаган Эдер катта саҳнага чиқади. Унинг 109-дақиқада киритган тўпи уни ҳақли равишда миллат қаҳрамонига айлантиради.Марио Гётце (Германия, 2014 йилги Жаҳон Чемпионати финали)
Жаҳон Чемпионатида ғолиб бўлишдан яхшироқ нима ҳам бўлиши мумкин? Бунинг устига финалдаги ҳал қилувчи гол бўлса...
Франц Беккенбауэрнинг таърифига кўра, Марио Гётце 2014 йилда немис футболининг янги халоскорига айланади.
2014 йилги финал ўйини тенг курашлар остида ўтаётганди, немислар Аргентина терма жамоасига қарши эди. Беллашувнинг 88-дақиқасида нисбатан тажрибасиз Гётце терма жамоа сафида голлар бўйича рекордчи –Мирослав Клозенининг ўрнини эгаллайди.
Пенальтилар сериясига атиги етти дақиқа қолганди ва томошабинлар аллақачон голдан умид узиб бўлганди. Шу пайт Гётце Андре Шюррледан тўпни қабул қилиб, уни дарвозага жойлаб қўяди. Натижада Марио Жаҳон Кубоги финалида захирадан тушиб гол урган биринчи ўйинчига айланади.Роберт Левандовски («Бавария», Бундеслига 2015/16 йилги мавсум)
«Бавария» «Вольфсбург»га 1:0 ҳисобида имкониятни бой бераётганди. Шогирдларининг муваффақиятсиз ҳаракатларидан чарчаган Гвардиола иккинчи бўлимда Левандовскини майдонга қўйишга қарор қилади.
Роберт биринчи голини 51-дақиқада, иккинчисини 52-дақиқада уради. 55-дақиқага келиб, у аллақачон ҳет-трикни ўз номига расмийлаштириб қўйганди. Икки дақиқа ўтгач, тўртинчи гол. Ваниҳоят 60-дақиқада бешинчи гол рақиб дарвозасидан жой олади.
Тўққиз дақиқа – бешта гол. Ақл бовар қилмас натижа. Немис футболи тарихида ҳали ҳеч ким бундай натижани қайд этмаган.
Изоҳ (0)