Устасига фарқи йўқ. Роналду футбол тўпини баскетбол саватчасига жойлаб қўйди (видео)

«Ювентус» ҳужумчиси Криштиану Роналду жамоавий машғулотлар пайтида ўз мерганлигини намойиш қилди.

Туринликлар матбуот хизмати эълон қилган видеода португалиялик ўйинчи футбол тўпига зарба берган ҳолда уни баскетбол саватига туширгани акс этган. Нишонни аниқ мўлжалга олган Криштиану голни баланд овозда нишонлади.

Эслатиб ўтамиз, коронавирус пандемияси сабаб тўхтаб қолган А Серия ўйинлари 13 июндан давом этади.

Роналду жорий мавсум А Серияда 22 ўйин ўтказиб, 21 гол ва 3 та самарали узатма муаллифига айланди. Қолган мусобақаларда (Чемпионлар Лигаси, Италия Кубоги ва Суперкубоги) 35 ёшли футболчи 10 ўйинда тўртта гол ва битта ассист ижро этган.