ПСЖ клуби ва Франция терма жамоаси ҳужумчиси Килиан Мбаппе футболдаги кумирлари ва келажакдаги мақсадлари ҳақида гапирди.
«Мен учун намуна бўлган илк футболчи — бу Зидан, чунки у миллий терма жамоа билан юқори марраларга эришган. Кейингиси Криштиану Роналду. У аллақачон кўплаб ютуқларни қўлга киритган, бироқ бу даражадаги муваффақиятдан кейин ҳам ғолиблик руҳини сақлаб қолган. Уларнинг иккиси ҳам футбол тарихида ўз изини қолдирган ва мен ҳам у ерда ўз исмимни қолдиришни хоҳлайман.
«Олтин тўп»? Уни ютиб олсам ажойиб иш бўларди, бироқ бу мени кечалари уйқу бермайдиган даражада ўйлантирмайди. Бу совринни кейинги мавсум ёки ундан кейинги йилда ютишни ўз олдимга мақсад қилиб қўймайман, менда ҳали вақт етарли. Мен учун энг муҳими ПСЖ ва миллий терма жамоа. Агар ушбу жамоалардаги муваффақиятли ҳаракатлар сабаб қандайдир индивидуал соврин қўлга киритсам, бу ўзига хос бонус бўлади. Терма жамоа билан Европа чемпионатида ва ПСЖ билан Чемпионлар Лигасида ғолиб чиқишни истайман», — дейди Мбаппе.
21 ёшли футболчи Лига 1 жорий мавсумида 20 та ўйин ўтказиб, 18 гол ва олтита самарали узатма муаллифига айланди.
Мавзуга доир: Мбаппе янги шартнома олдидан ПСЖга шарт қўйди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)