Бен Аскрен MMA тарихидаги энг буюк жангчилар рўйхатини тузди. Ундан Ҳабиб ўрин олди, Конор эса йўқ

Беллатор ва ONE промоушенлари чемпиони, ярим оғир вазн тоифасида UFC собиқ жангчиси Бен Аскрен MMA тарихидаги энг яхши яккакурашчиларни санаб ўтди.

«Менимча, аралаш яккакурашлар тарихидаги энг яхши жангчи номига етти киши даъвогарлик қилади. Улардан ичида энг яхшисини танлай олмайман.

Аввалига кучли еттиликдан кимлар ўрин олмагани ҳақида гапирсам. Фёдор Емеляненко ва Би Жей Пенн, уларнинг фаолияти ажойиб. Бироқ Фёдор кетма-кет уч марта мағлубиятга учради, Пенн ҳам ортиқча қолиб кетди. Агар фаолиятлари узоққа чўзилмаганида, уларни санаб ўтишимиз мумкин эди.

Бен Ҳендерсон — кўплаб ажойиб ғалабалар, бироқ мағлубият ҳам анчагина. Конор Макгрегор. У ўзини тарихдаги энг яхшилар рўйхатида иккинчи ўринга қўяди, бироқ Конор бирор марта ҳам чемпионликни ҳимоя қилмаган. У Ҳабибга қарши жангда битта ҳам раундни ўз фойдасига ҳал қила олмаган ва албатта, савияси юқори бўлмаган Нейт Диасга ютқазган.

Энди кучли еттиликни санаб ўтаман: Жорж Сен-Пьер, Андерсон Сильва, Ҳабиб Нурмагомедов, Даниэль Кормье, Генри Сеҳудо, Деметриус Жонсон ва Жон Жонс», — дейди Аскрен.