Россиялик UFC жангчиси Шамил Абдураҳимов енгил вазн чемпиони Ҳабиб Нурмагомедов ва Тони Фергюсон ўртасида амалга ошмай қолган жанг ҳамда россиялик яккакурашчининг Жастин Гэтжига қарши эҳтимолий жанги ҳақидаги фикрлари билан ўртоқлашди.
«Ўйлашимча, Нурмагомедов Фергюсонни бир ёқлик қила оларди. У жойида қотиб қолмаган, ўсиб бормоқда. Ишончим комил, Ҳабиб рақибини тейкдаунга олган ҳолда унга ерда кучли зарбалар йўллай оларди. Ҳатто бўғиш ёки оғритиш усулини қўллашгача ҳам борарди. Фергюсон эса рақибига ёриқли жароҳатлар етказиш ҳисобига имкониятга эга бўлиши мумкин эди», — дейди Абдураҳимов.
Шунингдек, у Гэтжи ҳақида ҳам сўз юритди.
«Ҳа, Ҳабиб учун Гэтжи хавфли рақиб. Унинг зарбаси кучли, агар курашдаги салоҳиятини йўқотмаган бўлса, у ҳолда Нурмагомедовга қийин бўлади. Бироқ Ҳабиб унга ўз услубини ўтказа олади. Бургут — ақлли жангчи ва Жастинни енгишга қодир. Ҳабиб Тонидек хатоларга йўл қўймайди. Бугунги кунда унга тенг келадигани йўқ», — дейди спортчи.
Жастин Гэтжи UFC 249 мусобақасида енгил вазн вақтинчалик чемпионлиги учун Тони Фергюсонга қарши жанг қилди ва бешинчи раундда рақибини нокаутга учратди. Эндиликда Гэтжи енгил вазн тоифаси чемпиони Ҳабиб Нурмагомедовга қарши жанг олиб боради. Мазкур тўқнашув 2020 йилниг сентябрь ёки октябрь ойида бўлиб ўтиши кутилмоқда.
Изоҳ (0)