Карантин туфайли видеоўйинлар савдоси рекорд даражани қайд этди

2020 йилнинг апрелида рақамли видеоўйинлар савдоси рекорд ўрнатди, деб хабар берди «Korrespondent.net».

Сўнгги маълумотларга кўра, 2020 йилнинг апрелида фойдаланувчиларнинг ўйинларга харажатлари 10,5 миллиард доллардан ошиб кетди. Бу ўтган йилнинг шу даврига нисбатан 17 фоизга кўп дегани.

Мутахассислар бунга одамларнинг карантин туфайли уйда ўтиргани сабаб бўлганини айтмоқда.

Шундай қилиб, энг кўп юклаб олинган ўйинлар рейтингида Nintendo — Animal Crossing: New Horizons етакчилик қилди. Унга 3,6 миллион доллар сарфлашган. Бундан ташқари, ушбу ўйин икки ой ичида тарихда энг кўп сотилган видеоўйинлар орасида рекорд ўрнатди.

Square Enix’нинг Final Fantasy VII Remake ўйинига 2,2 миллион доллар сарфлашган, 1999 йилда чиқарилган Horcorm’нинг Resident Evil 3 ўйини 1,3 миллион долларга сотилган.