1980-yil 22-may kuni Yaponiyada Pac-Man o‘yini taqdim etilgan bo‘lib, u tarixdagi eng mashhur videoo‘yinlardan biriga aylangan. Labirintdagi nuqtalarni “yeyish” natijasida o‘yin yaratuvchilari va uni ommalashtirganlar 14 milliard dollar ishlab olgan. “Kommersant” nashri “Pakman” qanday qilib o‘yin avtomatlarida paydo bo‘lgani va shundan so‘ng real hayotga kirib kelgani tasvirlangan suratlar bilan bo‘lishdi.

Pac-Man videoo‘yini Yaponiyaning Namco kompaniyasi tomonidan yaratilgan bo‘lib, 1980-yilning 22-mayida o‘yin avtomobillari paydo bo‘lgan va dastlab o‘z vatanida u qadar mashhurlikka erishmagan.

Foto: Getty Images

Oradan yetti oy o‘tib o‘yin Shimoliy Amerikada paydo bo‘lganidan so‘ng barchasi o‘zgargan va tezda mashhurlikka erishgan.

Foto: Getty Images

Birinchi yilning o‘zidayoq dunyo bo‘ylab 100 mingdan ortiq Pac-Man arkada avtomatlari sotilgan.

Foto: Getty Images

1982-yilga borib 400 mingdan ortiq o‘yin avtomati sotilgan. Pac-Man 2,5 milliard dollardan ortiq pul ishlagan eng muvaffaqiyatli videoo‘yinga aylangan (bugungi kunda bu qariyb 7,7 milliard dollarga teng).

Foto: Getty Images

Pac-Man o‘ziga bag‘ishlab tovarlar — o‘yinchoqlar, kiyim-kechak, reklama-suvenir mahsulotlari ishlab chiqarilgan birinchi videoo‘yin personaji hisoblanadi. O‘yin va unga bog‘liq tovarlarni sotishdan 14 milliard dollar foyda ko‘rilgan.

Foto: Getty Images

Kanadalik darvozabon Nolan Mayerning bosh kiyimida o‘yin qahramonlari tasvirlangan.

Foto: Getty Images

“Pakman”ning tashqi ko‘rinishi yaponcha “og‘iz” iyeroglifini yodga soladi, dizaynerlar uni yumaloqlashtirgan.

Foto: Getty Images

Pac-Man juda katta mashhurlikka erishgan: 1982-yilda u Time jurnalining muqovasidan o‘rin olgan.

Foto: Time

O‘sha yilning o‘zida Buckner & Carcia musiqiy dueti Pac-Man Fever nomli musiqiy albomni taqdim etgan, shu nomli qo‘shiq esa Billboard xit-paradida 9-o‘ringa ko‘tarilgan.

Foto: Reuters

Qahramonlarning ismi ovqat yeyayotganda og‘izni ochish va yopishda hosil bo‘ladigan tovushning yaponcha taqlidi “paku-paku”dan kelib chiqqan.

Foto: Getty Images

1982—1984-yillarda Pac-Man animatsion serialining ikkita mavsumi taqdim etilgan.

Foto: Getty Images

Qahramonning kinodagi sarguzashtlari shu bilan tugab qolmagan: 2015-yilda taqdim etilgan “Piksellar” filmida Pac-Man personajlar orasidan o‘rin olgan.

Foto: Getty Images

AQShda o‘yin nomi dastlab Puck-Man’dan Pac-Man’ga o‘zgartirilgan. Bunga original nomdagi P harfini bolalar F’ga o‘zgartirib qo‘yishi mumkinligi sabab bo‘lgan.

Foto: EPA

2011-yilda NASA xodimlari Saturnning ikki yo‘ldoshining harorat xaritalari Pac-Man qahramonlariga o‘xshashini payqab qolgan.

Foto: EPA

Pac-Man hozirda ham mashhur bo‘lib, Ginnesning rekordlar kitobiga kiritilgan.

Foto: Reuters

Britaniyalik taniqli dizayner Stiven Jons tomonidan yaratilgan Pac-Man shlemi.

Foto: AP Photo