Hennessey Performance ательеси янги Chevrolet Corvette’ни соатига 330 километр тезликка қадар ҳайдаб, ўрта моторли суперкарнинг максимал тезлиги юқорилашига сабаб бўлди, деб хабар беради Motor.
Hennessey Performance Chevrolet Corvette C8’ни модернизация қилган — унга турбокомпрессорли иккита кит-жамланма, янги ғилдирак шиналари, модернизациялашган подвеска, кучайтирилган тормоз механизми ва углепластикдан ишланган ташқи панеллар ўрнатилган. Ателье мижозлари буларнинг барчасини тез орада буюртма қилиши мумкин бўлади. Ҳозирча компания бор диққатини компонентларнинг ишончлилигини текширишга қаратган.
Мазкур Corvette зангламайдиган пўлат (+20 куч) билан жиҳозланган бўлиб, у заводда ишлаб чиқарилган моделдагидан 5,4 килограммга енгил ҳисобланади. Шунингдек, унга азот оксиди тизими ўрнатилган, V8 6,2 LT2 атмосфера қуввати 650 от кучига қадар кўтарилган.
Моделга минимал даражада ўзгартириш киритилганига қарамай, Venom F5 лойиҳасининг бош муҳандиси Жон Хейнрис ўрта моторли суперкарни 330 км/соат тезликка чиқаришга муваффақ бўлган.
Рекорд Техасдаги Cоntinental фирмасининг синов полигонида ўрнатилган. Компаниядагиларнинг таъкидлашича, бу C8’нинг чегараси эмас: HPЕ1200 Тwin Turbo пакети ёрдамида двигатель кучини 1200 га, максимал тезликни эса 400 км/соатга етказиш мумкин.
Изоҳ (0)