Сурхондарё вилоятининг Узун туманида трактор иштирокидаги йўл-транспорт ҳодисаси оқибатида ҳайдовчи вафот этди. Бу ҳақда ЙҲХББ хабар бермоқда.
Ҳодиса 22 май куни соат 19:20 ларда «Чинор» маҳалласи ҳудудидаги адирликда, транспорт воситалари ҳаракатланиши учун мўлжалланмаган жойда юз берган. 1971 йилда туғилган Э.Х. (эркак) «ТТЗ-28» русумли тиркамали тракторни пастлик томон бошқариб кетаётиб, руль бошқарувини йўқотиб, жарликка ағдарилган.
Оқибатда ҳайдовчи Э.Х. оғир тан жароҳатлари олиб шифохонада вафот этган.
Мазкур ҳодиса юзасидан Узун тумани ИИО ФМБ ТБ томонидан суриштирув ишлари олиб борилмоқда.
Май ойида тракторлар иштирокидаги одам ўлими билан якунланган бошқа йўл-транспорт ҳодисалари ҳам содир бўлганди. Жумладан, 3 май куни Сурхондарёнинг Қумқўрғон туманида Captiva билан тўқнашиши оқибатида трактор йўловчиси бўлган 13 ёшли бола, 12 май куни Бухоронинг Ромитан туманида трактор тиркамаси ағдарилиб кетиши оқибатида 33, 34 ва 38 ёшли аёллар, 17 май куни Фарғонанинг Қўштепа туманида трактор тиркамаси босиб олиши оқибатида 3 ёшли бола вафот этганди.
Изоҳ (0)