YouTube’даги «Гараж 54» каналининг ноодатий автомобиллар яратиш билан шуғулланувчи новосибрсклик муҳандислари «ВАЗ-2107»ни қадам ташлаб юрадиган машинага айлантирди. Улар орқа ғилдираклар ўрнига мураккаб металл конструкция ўрнатган.
«Жигули»га металл «оёқлар»ни ўрнатиш учун муҳандислар орқа ғилдиракларни ечиб олган ва подвеска (амортизаторлар, пружиналар, стабилизаторларни ўз ичига олувчи, машинанинг кузови ва йўлни боғловчи бўғин) кучайтирилган. Шундан сўнг, салон тешилиб, механизмни қотириш учун иккита металл труба ўтказилган. Натижада қайта жиҳозланган автомобиль олд томонга анча эгилиб қолган.
Ҳаракатланиш механизми кривошип (тўғри чизиқли ҳаракатни айланма ҳаракатга айлантирадиган механизм) ҳисобига ишлайди, жараён давомида айланиш тирсакда тортувчи кучни ҳосил қилиб, металл конструкция ҳаракатини ишга туширади.
Синов вақтида модификацияга учраган «Жигули»нинг ҳаракатланиш тезлиги жуда секин бўлган. Автомобиль асфальт бўйлаб олдинга ва орқага ҳаракалана олган, бироқ тошли йўлда унинг ярим ўқи юкланишни кўтара олмай, дарз кетган.
Изоҳ (0)