«Ўзбекистон темир йўллари» акциядорлик жамияти таркибидаги носоҳавий корхоналар оптималлаштирилади. Бу масала юзасидан Президент Шавкат Мирзиёев 25 май куни транспорт соҳасининг барқарор ишлашини таъминлаш ва изчил ривожлантириш масалалари бўйича ўтказилган йиғилишда топшириқ берди.
Қайд этилишича, пандемия даврида темир йўл орқали юк ташишга талаб кескин кўпайган. Хусусан, халқаро юк ташувларида темир йўлнинг улуши 75 фоиздан 87 фоизга ошди. «Бу хизматлар сифатини яхшилаш ва таннархни тушириш орқали мижозларни кўпайтириш учун яхши имконият», — дейилади хабарда.
Мавзуга доир: Коронавирус сабабли Ўзбекистоннинг транспорт компаниялари қанча зарар кўргани маълум қилинди
Шу боис «Ўзбекистон темир йўллари» таркибидаги носоҳавий корхоналарни оптималлаштириш, тарифларни шакллантириш механизмларини такомиллаштириш, вагон ва локомотив паркини янгилаш бўйича топшириқлар берилди.
Эслатиб ўтамиз, «Ўзбекистон темир йўллари» мамлакатдаги монопол компаниялардан бири бўлиб, унинг таркибига кирувчи компаниялар метро, сув омбори, спиртли ичимликлар ишлаб чиқарувчи завод, аэропорт, кўприк, истироҳат боғи қурилиши билан шуғулланади.
Изоҳ (0)