Мудофаа вазирлиги «Ўзбекистон Республикаси ‘Ватан ўғлони’ болалар ва ўсмирлар ҳарбий-ватанпарварлик ташкилоти фаолиятини ташкил этиш тўғрисида»ги Президент қарори лойиҳасини муҳокамага қўйди.
Унга кўра, Мудофаа вазирлиги ҳузурида юридик шахс мақомига эга бўлган «Ватан ўғлони» болалар ва ўсмирлар ҳарбий-ватанпарварлик ташкилотини тузиш, шунингдек, «Ватан ўғлони» ташкилоти ҳузурида юридик шахс мақомига эга бўлмаган шу номдаги болалар ва ўсмирлар ҳарбий-ватанпарварлик ташкилотини ривожлантириш жамғармасини ташкил этиш тўғрисидаги таклифларига розилик берилади.
Белгилаб қўйилишича:
- Мудофаа вазирлиги «Ватан ўғлони» ташкилотининг таъсисчиси ҳисобланади;
- Ўзбекистоннинг «Ватан ўғлони» болалар ва ўсмирлар ҳарбий-ватанпарварлик ташкилоти ўз мақомига, ходимлар (ҳарбий хизматчилар) меҳнатига ҳақ тўлаш (пул таъминоти) шартларига кўра Мудофаа вазирлиги марказий аппаратининг мустақил бўлимига тенглаштирилади;
- «Ватан ўғлони» ташкилотининг марказий аппарати ва ҳудудий бўлинмалари Мудофаа вазирлиги қўшинлари ходимларининг чекланган умумий сони доирасида ташкил этилади;
- «Ватан ўғлони» ташкилотининг марказий аппарати ва ҳудудий бўлинмалари ходимларининг меҳнатига ҳақ тўлаш Давлат бюджети маблағлари ҳисобидан амалга оширилади;
- Ўзбекистон мудофаа вазирининг тарбиявий ва мафкуравий ишлар бўйича ўринбосари «Ватан ўғлони» ташкилоти етакчиси ҳисобланади;
- «Ватан ўғлони» ташкилоти ва унинг ҳудудий бўлимларининг моддий-техник таъминоти Жамғарма маблағлари ҳисобидан амалга оширилади;
- «Ватан ўғлони» ташкилоти ходимлари меҳнатига ҳақ тўлаш тартиби ва шартлари бўйича давлат бошқаруви органлари ходимларига тенглаштирилади.
Изоҳ (0)