Компаниянинг амалдаги раиси нутқидан: Бир йил ва ундан кейин
Huawei компанияси ўзининг ҳар йили ўтказиладиган навбатдаги 17-Глобал таҳлил саммитини ўтказди; у Шэньчжэнда бўлиб ўтди ва тармоқ орқали эфирга узатилди. Huawei тадбирида 2000 дан ортиқ таҳлилчилар, жамоатчилик фикрининг йирик вакиллари ва турли соҳалар, шу жумладан телекоммуникация, Интернет ва молия соҳаларининг ОАВ вакиллари иштирок этишди. Биргаликда улар саноат корхоналарининг ҳамкорликдаги ишларига ёндашувларни муҳокама қилишди ва қандай қилиб қийин пайтларда омон қолиш, ўзаро фойдали натижаларга эришиш ва ақлли дунёни яратишни тезлаштириш ҳақида ўйлашди.
Саммитнинг очилишида Huawei компаниясининг амалдаги директори Гуо Пинг «Huawei: бир йил ва ундан кейин» мавзусидаги нутқи билан чиқиш қилди. Дастлаб у Huawei компаниясининг ҳамкорликдаги ишлар бўйича тажрибаси ва ўтган йилги фаолияти натижалари ҳақида гапирди. Гуо Пинг шундай деди: «Ўтган йили биз кўплаб технологияларга кириш имкониятидан маҳрум бўлдик. Шунга қарамай, Huawei яшаб қолиш учун курашда ғалаба қозонди ва олдинга силжишга муваффақ бўлди.
Узоқ йиллардан буён Huawei АКТ саноатининг фаол иштирокчиси бўлиб келмоқда ва унинг ривожланишига катта ҳисса қўшмоқда. Ташкил этилганидан бери Huawei ҳар доим ўз мақсадига содиқ бўлиб келмоқда: ҳар бир кишига рақамли технологиялардан фойдаланиш имкониятини тадим этиш, дунё олдинга силжиши учун ушбу технологияларни ҳар бир уйда ва ҳар бир ташкилотда жорий этиш. Сўнгги 30 йилдан ортиқ давр давомида Huawei 170 дан ортиқ мамлакат ва минтақаларда 1500 га яқин тармоқларни ўрнатди ва шу билан сайёрадаги уч миллиарддан ортиқ одамларни тармоққа уланишини таъминлади. Бундан ташқари, биз 600 миллион истеъмолчини ақлли қурилмалар билан таъминладик. АҚШнинг Huawei компаниясига қарши ҳаракатлари нафақат компанияга, балки Huawei маҳсулотлари ва хизматларидан фойдаланувчиларга ҳам зарар етказади.
АКТ инфратузилмаси интеллектуал дунёнинг асосидир. 2025 йилга келиб рақамли иқтисодиёт 23 трлн АҚШ доллари қийматига эга соҳага айланади. АКТ соҳаси ҳанузгача улкан салоҳиятга эга. Интеллектуал олам остонасида туриб, биз АКТ соҳасида қийинчиликлардан кўра кўпроқ имкониятларни кўрмоқдамиз.
Агар келажакка назар ташлайдиган бўлсак, Huawei компанияси учта йўналишда: алоқа, ҳисоблаш технологиялари ва ақлли қурилмалар соҳасида инвестиция киритишни ва инновацияларни жорий этишни давом эттиради. Биз етказиб бериш, стандартларни ишлаб чиқиш, истиқболли кадрлар тайёрлаш каби соҳаларда мижозлар, ҳамкорлар, стандартлаштириш бўйича ташкилотлар ва бошқа барча саноат иштирокчилари билан ҳамкорлик қиламиз. Бу очиқ ҳамкорликни, соҳани ҳар томонлама ривожлантиришни ва келажакни биргаликда тадқиқ қилишни янада кенгайтиришга имкон беради.
Го Пинг шундай деди: «Бугунги кунда дунё ҳамкорликда ишлаш учун бирлашган яхлит тизимга айланган. Иқтисодиётнинг глобаллашиш тенденциясини орқага қайтариб бўлмайди, буни қилишнинг кераги ҳам йўқ. Турли хил стандартлар ва алоҳида таъминот занжирларидан фойдаланиш ҳеч кимга фойда келтирмайди ва аллоҳида ажралиб чиқиш кейинчалик бутун соҳага жиддий зарар етказади. Умуман олганда, соҳа интеллектуал мулк ҳуқуқларини жиддий ҳимоя қилиш, ҳалол рақобатни таъминлаш, ягона халқаро стандартларни жорий этиш ва қўшма глобал таъминот занжирини ривожлантириш бўйича саъй-ҳаракатларни бирлаштириши керак.
Биринчи Huawei Глобал таҳлил саммити 2004 йилда бўлиб ўтган ва ўша йилдан бери ҳар йили ўтказиб келинмоқда. Бу йил саммит 18 майдан 20 майгача бўлиб ўтади ва унинг доирасида бир қатор параллел сессиялар ташкил этилмоқда. Иштирокчилар қаторида дунёнинг турли бурчакларидан келган мутахассислар бор бўлиб, улар саноат тенденциялари, технологиялар ва глобал ҳамкорликни муҳокама қилишмоқда ва ушбу масалалар бўйича ўз фикрларини ўртоқлашишмоқда. Қўшимча маълумотларни қуйидаги сайтдан олишингиз мумкин: https://www.huawei.com/en/press-events/events/has2020
Реклама ҳуқуқи асосида.
Изоҳ (0)