Тошкент шаҳрининг Юнусобод туманида иккита Spark тўқнашди. Бу ҳақда ЙҲХББ хабар бермоқда.
Ҳодиса 13 май куни соат 08:20 ларда Янги шаҳар ва Янги Юнусобод кўчалари кесишган чорраҳада юз берган. 1986 йилда туғилган Ф.Ф. бошқарувидаги Spark 1993 йилда туғилган С.Х. бошқарувидаги бошқа Spark автомобилига бориб урилган.
Тўқнашув натижасида машиналардан бири ағдарилиб кетган. Ижтимоий тармоқларда тарқалган видеода ағдарилган Spark’нинг эшиги ойнасидан ҳайдовчи ва йўловчининг тушиб олганини кўриш мумкин. ЙҲХББнинг маълум қилишича, ҳодиса оқибатида тан жароҳати олганлар йўқ.
Мазкур тўқнашув юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Эслатиб ўтамиз, 11 май куни Андижон вилоятида ҳам иккита Damas тўқнашганди.
Изоҳ (0)