Президент Шавкат Мирзиёев Сардобада 1 май куни юз берган фалокатдан зарар кўрган ҳудудларни тиклаш ишлари билан танишиш учун 15 май куни Сирдарё вилоятига ташриф буюргани ҳақида хабар берилган эди.

Мавзуга доир: Шавкат Мирзиёев Сардобада қуриладиган 37 та «дом»нинг тамал тошини қўйди

Ташриф чоғида Президент Сардоба туманида маҳаллий аҳоли вакиллари билан учрашди. Бу ҳақда Президент матбуот хизмати хабар берди.

Фото: Президент матбуот хизмати

Маълум қилинишича, сув тошқинидан зарар кўрган 4,5 мингдан зиёд хонадон эгаларининг ҳар бирига Ўзбекистон Президентидан 40 миллион сўмлик моддий ёрдам, шунингдек, телевизор, музлатгич, кир ювиш машинаси, минипеч, электр чойнак ва дазмол каби маиший техникалардан иборат совғалар топширилмоқда.

Таъкидланишича, Алишер Усмонов ажратган 10 миллион доллар хайрия маблағи ҳам шунга йўналтирилган. Сирдарё вилоятига кўмак учун ҳокимликлар, вазирлик ва идоралар, хўжалик бирлашмалари ҳамда тадбиркорлар ҳам ёрдам кўрсатган.

Учрашувда қатнашган сардобаликларга тегишли сертификат ва банк карточкалари тарқатилди.

Фото: Президент матбуот хизмати

Фото: Президент матбуот хизмати

Аввалроқ Алишер Усмонов ажратган 10 миллион доллар сув тошқинидан жабр кўрган сирдарёликларга Рамазон Ҳайитигача тарқатилиши маълум қилинганди.

Мавзуга доир: Интернетда Сардоба тошқини вақтида уйда қолиб кетган аёлнинг қутқарилиши тасвирланган видео пайдо бўлди