Наманганда 16, Бухорода 23, Самарқандда 14 ва Фарғонада 11 киши, жами 64 нафар коронавирус инфекциясига чалинган бемор соғайди ва реабилитацияга кузатилди, деб хабар берди Соғлиқни сақлаш вазирлиги.
Наманган вилоятида тузалганларнинг барчаси вилоятнинг ўзидан (8 нафари Наманган шаҳридан, 6 нафари Уйчи туманадан, Норин ва Наманган туманларидан 1 нафардан) бўлиб, коронавирус инфекциясига чалинганлар билан мулоқот орқали касалликни юқтириб олган. Уларнинг 3 нафари эркак, 13 нафари аёллар бўлиб, энг ёши каттаси 58 ёшда, ёши кичиги эса 3 ёшли қизалоқ экани айтилди.
Вилоятда шу пайтга қадар 179 нафар бемор соғайган бўлса, эндиликда улар 195 нафарга етди.
Бухоро вилоятида шифо топганларнинг 15 нафари Россиядан чартер рейс билан Бухорога олиб келинган ва карантинга олинган. Коронавирус инфекцияси тасдиқлангач, шифохонага жойлаштирилган. Қолган 8 нафари коронавирусга чалинганлар билан мулоқот орқали касалликни юқтириб олган.
Ҳудудлар кесимида олинса, Бухоро вилоятидан 9 нафар, Қашқадарё вилояти ва Тошкент шаҳридан 3 нафардан, Самарқанд ва Андижон вилоятларидан 2 нафардан, Қорақалпоғистон Республикаси, Тошкент, Фарғона ва Наманган вилоятларидан 1 нафардан. Уларнинг 13 нафари эркак, 10 нафари аёл бўлиб, энг ёши каттаси 50 ёшда бўлса, энг ёши кичиги 20 ёш экани маълум қилинди.
Бухоро вилояти бўйича шу пайтга қадар 404 нафар бемор соғайган бўлса, эндиликда улар 427 нафарга етиб, даволанаётган беморлар 13 нафарни ташкил этмоқда. Ушбу вилоят коронавирусдан ҳоли ҳудуд мақомини олишга жуда яқин турибди.
Самарқандда тузалганларнинг барчаси ушбу вилоятдан (9 нафари Тойлоқ туманидан, 3 нафари Самарқанд шаҳридан ва 2 нафари Оқдарё туманидан) бўлиб, барчаси коронавирусга чалинганлар билан мулоқот орқали касалликни юқтириб олишган. Беморларнинг 8 нафари эркак, 6 нафари аёл бўлиб, улар орасида энг ёши каттаси 70 ёшда бўлса, энг ёши кичиги 8 ёшда экани айтилди.
Айни пайтга қадар ушбу вилоятда 80 нафар бемор тузалган бўлса, эндиликда улар 94 нафарга етди.
Фарғонада тузалганларнинг ҳам барчаси ушбу вилоятдан (5 нафари Олтиариқ туманидан, 4 нафари Қува туманидан, Марғилон шаҳри ва Риштон туманидан 1 нафардан) бўлиб, улардан 3 нафари коронавирусга чалинганлар билан мулоқот орқали касалликни юқтириб олган. Қолган 8 нафари Россиядан келган ва карантинга олинган. Инфекция аниқлангач, шифохонага ётқизилган. Беморларнинг барчаси эркак бўлиб, улар орасида энг ёши каттаси 45 ёшда бўлса, энг ёши кичиги 28 ёшда экани маълум.
Вилоятда шу пайтга қадар 139 нафар бемор тузалган бўлса, эндиликда улар 150 нафарга етди. Таъкидланишича, ҳозиргача ушбу ҳудудда 158 та ҳолатда коронавирус қайд этилган бўлса, бир нафар вафот этган бемордан ташқари, айни пайтда 7 нафар бемор даволанмоқда. Шундай қилиб, ушбу вилоят ҳам коронавирусдан ҳоли ҳудуд мақомини олишга жуда яқин турибди.
Умумий ҳисобда 11 май соат 13:45 ҳолатига кўра, Ўзбекистонда коронавирус инфекциясидан соғайганлар сони 1945 нафарни ташкил этмоқда. Касалланганлар сони эса 35 кишига кўпайиб, соат 10:00 ҳолатига кўра 2453 нафарга етди.
Изоҳ (0)