Ҳуқуқшунос Ботиржон Шермуҳаммад пандемия сабабли чегаралар номаълум муддатга ёпилиши ортидан Россияда қийин вазиятда қолаётган ўзбекистонликлар қандай қилиб мамлакатга қайтиши мумкинлиги борасидаги саволларга жавоб берди, деб хабар қилади «Kun.uz».
Ҳуқуқшуноснинг сўзларига кўра, дастлаб бутун дунёда амал қилаётган карантин тартиби ва Россиядаги ўзбекистонликлар сони кўплигини инобатга олганда бу унчалик осон эмас. Унга кўра, Россиядаги Ўзбекистон фуқаролари аввало чартер рейслар учун рўйхатдан ўтиши ва ўз навбатини кутиши керак. Чартер рейс ташкил қилинганда элчихона ходимлари навбат бўйича ҳар бир фуқаро билан боғланади.
Чартер рейсларда энг аввал беморлар, ҳомиладор аёллар, кексалар ва ёш болалилар олиб келинади.
Таъкидланишича, фуқаролар уч хил тартибда рўйхатдан ўтишлари мумкин:
1. Чартер рейсларга рўйхатдан ўтиш формасини тўлдириш орқали;
2. Ўзбекистоннинг Россиядаги консуллик муассасалари томонидан ташкил қилинган қуйидаги Telegram манзилларига маълумот юбориш орқали:
3. Ўзбекистоннинг Россиядаги консуллик муассасаларига қўнғироқ қилиб боғланиш орқали:Call-марказ:
- +7 499 230-00-76;
- +7 499 238-36-20.
- +79778061677;
- +79778061274;
- +79778061655;
- +79778061273.
7 май кунги видеоселекторда Президент Шавкат Мирзиёев хориждаги ватандошлар «имкониятга қараб, барибир олиб келиниши керак»лигини айтган эди. «Улар орасида анча қийналганлари бор. 11 мингга яқини анча қийналган. Режа қилиб, биринчи навбатда уларни олиб келиш бўйича чоралар кўряпмиз», – деганди давлат раҳбари.
Uzbekistan Airways авиакомпанияси 30 июнгача бўлган муддатдаги парвозлар учун чипта сотишни тўхтатган. Ташқи ишлар вазирлиги чартер рейсларни ташкил этиш масаласини Махсус комиссия ҳал этишини билдирган.
Аввалроқ хорижий давлатларда бўлиб турган ва ватанга қайтиш истагини билдирган Ўзбекистон фуқароларининг рўйхати тузилаётгани ҳақида хабар берилган эди.
Эслатиб ўтамиз, 10-май куни Беларусдан 150 нафар ўзбекистонлик чартер рейс орқали Тошкентга олиб келинди.
Изоҳ (0)