Андижон вилояти Балиқчи туманидаги мактабгача таълим муассасаси мудираси ўз жонига қасд қилди. Бош прокуратура матбуот хизмати раҳбари Ҳаёт Шамсутдинов интернетда тарқалган ушбу маълумотни тасдиқлаган.
2020 йил 4 май куни, тахминан, соат 15:00 ларда мудира яшаш хонадонида ўзини осган. Ўз жонига қасд қилган аёл туман тиббиёт бирлашмасининг шошилинч тез тиббий ёрдам бўлимига ётқизилган.
Мазкур ҳолат бўйича суд-тиббий экспертизаси ва вилоят мактабгача таълим бошқармасига хизмат текширувлари тайинланган. Терговга қадар суриштирув ишлари олиб борилмоқда.
Бош прокуратура матбуот хизмати раҳбарининг айтишича, мудиранинг ўз жонига қасд қилиши сабабларига оид тарқалган гап-сўзларга ойдинлик киритилади ва ишга ҳуқуқий баҳо берилади.
Изоҳ (0)