Ўрта вазн тоифасида ҳаракат қилувчи UFC жангчиси Роналдо Соузада коронавирус аниқланди. Бу ҳақда ESPN журналисти Бретт Окамото хабар қилди.
Шунингдек, бразилиялик яккакурашчининг икки секундантида ҳам инфекция борлиги аниқланган.
Соуза UFC 249 мусобақасида Юрая Ҳолл билан жанг қилиши керак эди. Мазкур жанг бекор қилинган.
Бунга UFC президенти Дэйна Уайт қуйидагича муносабат билдирган: «Юзлаб тест ўтказилганди, уларнинг бирортаси ҳам ижобий натижа бермагани ғалати бўларди».
Эслатиб ўтамиз, UFC 249 Тошкент вақти билан 10 май тонгги соат 05:00 да бошланади.
Изоҳ (0)