Мадриднинг «Реал» клуби ҳимоячиси Марсело фаолияти мобайнида дуч келган энг қийин рақиблар ҳақида гапирди.
«Барча «Реал»га қарши худди ҳаётидаги сўнгги ўйинни ўтказаётгандек ҳаракат қилади. Ҳужумга мунтазам ўтишимни инобатга олсак, ким биландир тўқнаш келиш эҳтимолим жуда юқори.
Энг қийин рақиб? Ўйлашимча, Лионель Месси. Бошқа футболчи номини айтиш иккиюзламачилик бўлади. Бироқ ҳеч қачон Криштиану Роналдуга қарши ўйнаб кўрмаганман.
Айрим футболчиларга қарши ўйнаш ҳақиқатда қийинчилик туғдиради. Масалан, Хесус Навас... Эсимда, «Севилья»га қарши ўйиндан сўнг мени уч ҳафта танқид қилишганди», — дейди Марсело.
Марсело 2007 йилдан буён «Реал»да фаолият юритади. Жорий мавсум Примеранинг 11 та учрашувида майдонга тушган футболчи иккита самарали узатмага муаллиф бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)