Madridning “Real” klubi himoyachisi Marselo faoliyati mobaynida duch kelgan eng qiyin raqiblar haqida gapirdi.
“Barcha “Real”ga qarshi xuddi hayotidagi so‘nggi o‘yinni o‘tkazayotgandek harakat qiladi. Hujumga muntazam o‘tishimni inobatga olsak, kim bilandir to‘qnash kelish ehtimolim juda yuqori.
Eng qiyin raqib? O‘ylashimcha, Lionel Messi. Boshqa futbolchi nomini aytish ikkiyuzlamachilik bo‘ladi. Biroq hech qachon Krishtianu Ronalduga qarshi o‘ynab ko‘rmaganman.
Ayrim futbolchilarga qarshi o‘ynash haqiqatda qiyinchilik tug‘diradi. Masalan, Xesus Navas... Esimda, “Sevilya”ga qarshi o‘yindan so‘ng meni uch hafta tanqid qilishgandi”, — deydi Marselo.
Marselo 2007-yildan buyon “Real”da faoliyat yuritadi. Joriy mavsum Primeraning 11 ta uchrashuvida maydonga tushgan futbolchi ikkita samarali uzatmaga muallif bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)