Ярим ўрта вазн тоифасида ҳаракат қилувчи UFC жангчиси Дональд Серроне 9 майдан 16 майга қадар кечадиган Жексонвиллдаги (АҚШ, Флорида штати) UFC мусобақалари ҳафталигида учта жанг ўтказмоқчи.
«Октагонга чиқиб, Энтони Петтисни мағлуб этишга тайёрланяпман. Жангдан кейин шундай дейман: «Ҳой Дэйна Уайт, чоршанба кунги жангга тўғри келадиган бирорта номзодинг борми? Бу бу ерда қолишни истайман».
Бир ҳафта ичида учта жанг ўтказган илк яккакурашчи бўлишни истайман», — дейди Серроне.
Маълумот учун, Серроне 9 май кунги UFC 249 мусобақасида Энтони Петтисга қарши жанг қилади. Мазкур кечанинг асосий тўқнашуви енгил вазн вакиллари Тони Фергюсон ва Жастин Гэтжи ўртасида кечади.
Эслатиб ўтамиз, «Ковбой» январь ойида Конор Макгрегорга қарши жанг қилган ва илк раунддаёқ нокаутга учраган эди.
Изоҳ (0)