«Энергетик-БГУ» ҳужумчиси Жасурбек Яхшибоев мухлислар талқинига кўра клубнинг апрель ойидаги энг яхши ўйинчиси деб топилди.
Мухлислар ўртасидаги сўровномада ўзбекистонлик футболчи 40,7% овоз тўплаб, бу борада Алексей Носко (26,7%), Жереми Мавату(13,9%) ва Евгений Юдчицдан (13,9%) устун келди.
Яхшибоев апрель ойида тўртта ўйин ўтказиб, битта голга муаллифлик қилди. Умумий миқдорда Жасур жорий мавсум Беларусь чемпионатидаги олти ўйинда уч гол ва битта самарали узатма амалга оширди.
Маълумот учун, Жасур 2020 йилнинг бошида ижара асосида минскликлар сафига йўл олганди. Унинг трансфер ҳуқуқи «Пахтакор»га тегишли.
Мавзуга доир: «Пахтакор»га қайтишни хоҳламайдиган, Беларусь чемпионатида тўпурар бўлиб турган Жасур Яхшибоев интервьюси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)