Коронавирусга қарши курашда йўл қўйган хатолари учун АҚШ соғлиқни сақлаш вазири Алекс Азарнинг лавозимидан бўшатилиши мумкинлиги тўғрисидаги маълумотлар ҳақиқатга тўғри келмайди. Бу ҳақда АҚШ президенти Дональд Трамп ўзининг Twitter’даги саҳифасига ёзиб қолдирди.
«Соғлиқни сақлаш вазири Алекс Азарни ишдан бўшатишим ҳақидаги маълумотлар бу — фейк хабарлар», — деб ёзади Трамп. Унинг сўзларига кўра, ОАВ бундан бохабар, бироқ улар атайлаб тартибсизлик келтириб чиқаришга уринмоқда.
«Алекс ўз ишини қойилмақом бажармоқда», — дея қайд этган Трамп
Аввалроқ The Wall Street Journal Америка президенти аппаратидаги манбаларига таяниб, Оқ уй АҚШ соғлиқни сақлаш ва ижтимоий хизматлар вазири Алекс Азарни коронавирусга қарши кураш масаласида йўл қўйган хатолари учун лавозимидан озод этиши мумкинлиги ҳақида хабар берганди. Politico эса Оқ уй Соғлиқни сақлаш вазирлигига раҳбар сифатида бир неча номзодни кўриб чиқаётганини ёзган.
Изоҳ (0)