Ғарб оммавий ахборот воситаларида Ким Чен Иннинг ўлими борасида хабарлар тарқалганига қарамай, Пхеньян аҳолиси одатдагидек ҳаёт кечирмоқда. Бу ҳақда КХДРдаги мухбирига таяниб, «ТАСС» хабар берди.
Маълумотларга кўра, Шимолий Корея пойтахтининг кўчаларида вазият сокин, карантин чоралари сабаб шаҳар марказий қисмида одамлар гавжум эмас. Пхеньян марказида автомобиллар деярли йўқ. Умумий овқатланиш муассасалари ва савдо нуқталари одатдаги режимда ишламоқда, кўчаларда қўшимча хавфсизлик кучлари йўқ.
Аввалроқ The Washington Post Ким Чен Иннинг биографига таяниб, Пхеньянда мамлакат раҳбарининг ўлимига оид хабарлар фонида ваҳима бошланганини ёзган. Нашрнинг таъкидлашича, аҳоли озиқ-овқатлар, маиший буюмлар, алкогол ва электроника воситаларини харид қилишга тушиб кетган. Шунингдек, аҳолини пойтахт узра пастлаб учаётган вертолётлар ҳам қўрқитиб юборгани таъкидланган.
21 апрелдан буён жаҳон оммавий ахборот воситалари КХДР етакчиси вафот этгани ёки оғир аҳволда ётгани ҳақида маълум қилмоқда. Уларнинг маълумотларига кўра, Ким Чен Ин муваффақиятсиз кечган операциядан сўнг комага тушган ёки вафот этган. Хитой, АҚШ ва Россия Шимолий Корея етакчисининг вафот этгани тўғрисидаги хабарларни рад этмоқда.
Мавзуга доир:
Изоҳ (0)