«Челси» клуби хизматчиларга ҳақ тўлаш борасида ҳукумат лойиҳасида қатнашишни истамади. Клуб барча ходимлари ва ишчилари маошини тўлиқ қоплашда давом этади.
Ўйин кунларида жалб қилинадиган вақтинчалик ишчилар ҳам 30 июнга қадар эски тизим бўйича маош олади.
Аёллар жамоаси ва аёллар академиясини қўллаб-қувватлаш ҳам аввалгидек тизимда давом этади. Таъкидланишича, «кўклар»нинг аёллар жамоаси клубнинг хайрия акцияларида фаол иштирок этмоқда.
Агар «Стемфорд Бриж»даги қолган ўйинлар ўтказилмаса, бекор қилинса ёки томошабинларсиз ўтса, у ҳолда «Челси» абонемент эгаларига пулни қайтаради.
Бундан ташқари, клуб Чемпионлар Лигаси 1/8 финали доирасида «Бавария»га қарши ўйинга боришни режа қилган 3800 нафар мухлиснинг ҳар бирига 350 фунтдан компенсация тўлайди. Ўйин 18 март куни ўтиши керак эди.
Барча қарорлар Роман Абрамович бошчилигидаги «Челси» раҳбарияти томонидан тасдиқланган.
Ўтган ҳафтада «Челси» футболчилари маошнинг 10 фоизга камайишига рози бўлгани хабар қилинганди. Бош мураббий Фрэнк Лэмпард эса маошининг 25 фоизидан воз кечган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)