Тожикистонда футбол бўйича барча мусобақалар 10 майга қадар тўхтатилди. Бу ҳақда Тожикистон футбол федерацияси матбуот хизмати маълум қилди.
Таъкидланишича, Тожикистон чемпионатининг 4-туридан ўрин олган 26 апрель, якшанба кунидаги баҳслардан сўнг барча ўйинлар 10 майга қадар ўтказилмайди.
«Тожикистон футбол федерацияси (ТФФ) COVID-19 коронавируси профилактикаси бўйича Республика штабининг мамлакатда барча оммавий ва спорт тадбирларини тўхтатиб туриш қарорини тўлиқ қўллаб-қувватлайди. Шу сабаб ТФФ ташкилот тасарруфидаги барча футбол мусобақаларини тўхтатиш қарорига келди», — дейилади федерация баёнотида.
Мавзуга доир: «Сиз ва бутун дунё учун дуодамиз!» — Тожикистон футбол клублари коронавирус билан курашаётган Ўзбекистонни қўллаб-қувватлади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)