Интернетда онлайн дарс вақтида ўқувчиларнинг қаламни бир-бирига узатиши акс этган видео интернетда оммалашди. Ролик TikTok’да эълон қилинди.
Видеода ноутбук экрани орқали ўз хоналаридан ўқитувчига қараб турган 25 дан ортиқ ўқувчиларни кўриш мумкин.
Дарс вақтида ўқувчилардан бири синфдошидан қалам сўрайди. Шундан сўнг болалар бир экрандан кейингисига қаламни «узата» бошлайди.
Ўқитувчи ҳолатдан ҳайратга тушади ва нима бўлаётгани ҳақида болалардан сўрай бошлайди.
Ушбу ролик қисқа муддат ичида 6 миллионта лайк тўплаган. Ижтимоий тармоқ фойдаланувчиларига ўқувчиларнинг бир-бирини тушуниб ҳаракат қилиши жуда ёққан.
Изоҳ (0)