Наманган вилоятининг Поп туманида махсус карантин ҳудуди ва шифохона қурилиши бошланди. Бу ҳақда «Дарё» мухбири Азизбек Абдувалиев хабар бермоқда.
Фото: Наманган вилояти ҳокимлиги ахборот хизмати
Бунинг учун туманнинг Ғурумсарой қишлоғидан 16 гектар ер ажратилди. Карантин ҳудуди 1200, шифохона эса 150 ўринга мўлжалланган.
Фото: Наманган вилояти ҳокимлиги ахборот хизмати
Бу ерда шифокорлар учун хоналар, жарроҳлик, жонлантириш бўлимлари, муолажа хоналари, тиббиёт бўлимлари, лаборатория ва дорихона барпо этилади.
Фото: «Дарё»
Вентиляция, тиббий кислород етказиб бериш, коммуникация тизимлари ишга туширилади.
Фото: «Дарё»
Энг замонавий тиббий лаборатория ва даволаш ускуналари келтирилади.
Фото: «Дарё»
Вилоят қурилиш бош бошқармаси бошлиғи Саидаҳмад Султоновга кўра, мазкур объектда махсус штаб ташкил этилган бўлиб, қурилиш майдонига электр, газ, сув тармоқларини тортиш ишлари олиб борилмоқда.
Фото: Наманган вилояти ҳокимлиги ахборот хизмати
Объектни лойиҳалашда Хитой ва Жанубий Корея тажрибаси ўрганилди. Карантин ҳудуди махсус контейнерлар, шифохона эса энергия тежамкор енгил конструксиялар асосида барпо этилмоқда.
Фото: Поп туман ҳокимлиги ахборот хизмати
Қурилишга 200 нафарга яқин ишчи-мутахассис ва 50 та техника жалб этилди. Икки сменада иш ташкил этилган.
Фото: Наманган вилояти ҳокимлиги ахборот хизмати
Карантин ҳудуди 10 кун ичида қуриб битказилиши кўзда тутилган. Шифохона қурилиши эса бундан кўпроқ вақт талаб этади.
