Коронавирус бутун жаҳонни ларзага келтириб, барча янгиликларнинг асосий мавзусига айланди. Вирус инфекцияси нафақат инсонларнинг соғлиғи, балки жаҳон давлатларининг деярли ҳаммасида иқтисодиётнинг амалда барча тармоқларидаги хўжалик субъектларнинг фаолиятига ҳам 1-даражали таҳдид бўлиб хавф солмоқда.
Ўзбекистон ҳукумати томонидан хавфли вирус оммавий тарқалишининг олдини олиш учун амалга ошираётган чора-тадбирларини инобатга олиб, «ЛУКОЙЛ Ўзбекистон Оперейтинг Компани» 24 мартдан бошлаб Тошкент шаҳридаги ўз маъмурий офисининг ходимларини масофавий иш режимига ўтказишни таъминлади, 100% ходимларга мобил мосламалардан ва компьютерлардан ахборот ресурсларига ва тизимларига масофадан кириш имкониятини яратган ҳолда уйда тўлақонли ишлаш учун барча имкониятларни тақдим этди.
Бунда меҳнат ҳақини тўлаш ўзгармай қолган, иш ҳақи тўлиқ миқдорида тўланади.
Компания хизматларининг ишлашини ва ўзаро фаолиятини таъминлаш учун замонавий рақамли технологиялар қўлланади. Барча ходимлар тезкор хабар бериш ва ўзаро фаолият имкониятлари, шу жумладан Microsoft Teams орқали гуруҳ чатлари, гуруҳли аудио ва видеоқўнғироқларни амалга ошириш имконияти билан таъминланган. Масофавий иш режимида ишлайдиган фойдаланувчиларнинг доимий IT-қўллаб-қувватланиши амалга оширилади.
Бундан ташқари, ЛУКОЙЛ-Ўзбекистон компаниясида эпидемия шароитида узлуксиз ишлашни таъминлаш бўйича инқирозга қарши курашиш штаби яратилган, офис ходимларининг хавфсизлиги ва ишлаб чиқариш объектларидаги вахта ишчиларининг изоляцияда ишлаши учун бир қатор чоралар тўплами қабул қилинган. Бош офисда турли фаолият йўналишлари бўйича 2-даража штаби тузилган, унинг аъзолари компаниянинг жорий фаолиятини қўллаб-қувватлаш учун доимо ўз иш жойларида бўлиб туради. Штаб ходимларига ҳимоя воситалари тақдим этилган, ҳар куни эрталаб тана ҳарорати ўлчанади, ишга бориш учун шаҳарда ҳаракатланиш учун хизмат транспорт воситалари таъминлаб берилган.
Қашқадарё ва Бухоро вилоятларидаги ишлаб чиқариш объектларининг вахтада бўлган ходимлари соғлиғи устидан кун-у тун тиббий назорат ўрнатилган. Ишлаб чиқариш объектларидаги тиббий пунктларнинг шифокорлари томонидан ҳар куни ишчиларнинг тана ҳароратини ўлчаш бажарилади. Барча ишлаб чиқариш объектлари тиббий ниқоблар ва термометрлар билан таъминланган.Маҳаллий вахта ишчилари вахтанинг муддатлари оширилишини кўзда тутган вақтинча иш вақтининг жадвалига ўтказилган. Бунда барча диспетчерлик хизматлари ўз жойларида штатли режимда ишлашни давом эттирмоқда.
Тошкент шаҳрида автомобильларнинг ҳаракатланиши чекловлари киритилганига қарамай, компания томонидан ЛУКОЙЛ АЁҚШларининг узлуксиз ишлаши таъминланган.
ЛУКОЙЛ COVID-19’нинг тарқалишига қарши умумий курашишдан четда қолмайди. Масалан, «Ўзбекистон Меҳр-шафқат ва саломатлик» хайрия фондининг ҳисобрақамига коронавирусга қарши курашиш даврида Ўзбекистон ҳукуматига молиявий кўмак кўрсатиш учун маблағлар ўтказилган.
Бундан ташқари, ЛУКОЙЛ хайрия ёрдами доирасида Олот туманининг кам таъминланган аҳолиси, Бухоро кўзи ожизлар жамиятига, Тошкент шаҳри Юнусобод туманининг Кўзи ожизлар жамиятига, Кўзи ожиз ёшлар марказига, ҳамда «Зиё Нури» хайрия фондига молиявий ёрдам кўрсатилган.
«Соғлом авлод учун» фондининг Қашқадарё филиалига ҳам вилоятнинг энг чекка туманларидаги аҳолининг ижтимоий кам таъминланган қатламлари учун ҳимоя воситалари, дори воситалари ва дезинфекция воситаларини сотиб олиш учун пул маблағлари ажратилган.
Ишонамизки, барчамиз республикада киритилган карантин чораларига риоя қилишга онгли ёндашиб, хавфли вирус инфекцияси тарқалиши хавфини жуда тез енгиб ўтишга ва жамиятимизнинг одатдаги ҳаёт тарзига орзиқиб кутилаётган қайтишига ўз ҳиссамизни қўшишимиз мумкин.
«ЛУКОЙЛ Ўзбекистон Оперейтинг Компани» МЧЖнинг матбуот хизмати
Реклама ҳуқуқи асосида.
Изоҳ (0)