Италиянинг «Порденоне» клуби президенти Мауро Ловиса коронавирусга чалинди. Бу ҳақда В Серия клуби расмий сайтида маълум қилинди.
«Сўнгги соатлар ичида ОАВда коронавирусга чалинганим ҳақидаги хабарларни инобатга олган ҳолда шуни айтмоқчиман: ҳа, мен ҳам бу лаънати вирусга йўлиқдим ва ўзимни яхши ҳис қилмоқдаман, бироқ ҳозирча тўлиқ тузалганим йўқ. Кейинги ҳафта янги таҳлил топшираман, умид қиламанки, бу ёқимсиз онлар ортда қолади», — дея 55 ёшли функционер сўзларини келтирмоқда «Порденоне» матбуот хизмати.
«Порденоне» жорий мавсум В Сериянинг 28 ўйинида 45 очко тўплаган ҳолда тўртинчи ўринда бормоқда.
Италияда 12 апрель ҳолатига коронавирусга чалинганлар сони 152 мингдан ошди. 19 мингдан ортиқ киши вафот этган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)