Эрта тонг юмшоқ ўриндан туришнинг ўзи эмас, айниқса бир кун аввал кеч ва чарчаб ётган бўлсангиз. Бундай вақтда бир финжон иссиқ қаҳвадан бошқа ҳеч нарса сизга ёрдам бера олмайдигандек туюлади, тўғрими? Нотўғри, негаки кофенинг тетиклаштириш хусусиятининг ўрнини босувчи бошқа фойдали вариантлар ҳам йўқ эмас. Harper’s Bazaar нашри шундай 7 альтернатив билан бўлишади.
Фото: Getty Images
Сикорий
Фото: «Аргументи и факти»
Тетиклашишни истаган, лекин кофега боғланиб қолишни хоҳламайдиганлар учун сикорий дамламаси энг мақбул ечим. Таъми кофега ўхшаш ушбу ичимлик унган қараганда фойдалироқ ҳисобланади. У тинчлантириш хусусиятига эга бўлиб, қондаги қанд миқдорини камайтиради. Уни сут билан қўшиб ичиш мумкин.
Какао
Фото: «Моя газета»
Какао таркибида калций, магний, темир моддаси бор бўлиб, уни тетиклаштирувчи сифатида ичиш тавсия қилинади. Эрта тонгдан зарур иш ёки дарсларингиз бўлса диққатни жамлаш учун бир финжон какао истеъмол қилинг.
Лимонли сув
Фото: «Чемпионат»
Илиқ сувга аралаштирилган лимон сувини тонгда оч қоринга истеъмол қилиш, нафақат кишини тетиклаштиради, балки организмни хусусан ичакларни тозалайди.
Мавзуга доир: Лимоннинг саломатлик ва гўзаллик учун 7 фойдаси
Аччиқ шоколад
Фото: Shutterstock
Нонушта қилишга вақти йўқ, эрталабдан иш ёки ўқишга шошадиганларга йўл-йўлакай бўлса ҳам аччиқ шоколад ейиш тавсия қилинади. Унинг таркибида кофедан кам бўлмаган кофеин ва эндорфин бор бўлиб, кун бўйи кўтаринки кайфиятда бўлишингизни таъминлайди.
Масала
Фото: «24 канал »
Агарда оддий чой сизни тетиклаштирмаса, масала дамлаб ичинг. Уни тайёрлаш учун сут, чой ва корица, кардамон ёки имбир, таъбга қараб бадян ёки қора мурч қўшинг. Ушбу ичимлик кўриниши ва хушбўй ҳиди иштаҳангизни очиши аниқ.
Контраст душ қабул қилинг
Фото: «V курсе»
Тетиклаштириш деганда фақат ейиш ва ичишни тушунадиганлар диққатига: аслида контраст душ қабул қилишдан-да одамни тетик ҳис қилдирадиган табиий жараён йўқ. 30 сония совуқ сув ундан кейин 30 сония иссиқ ва яна 30 сония совуқ душни ёқинг. Ўзингиз ҳам билмай қоласиз қандай қилиб бунча тез тетиклашганингизни. Бундай усул қон айланиши, тери тонусининг яхшиланиши, моддалар алмашинуви, уйқунинг яхшиланиши ва асабийлашишда самарали восита ҳисобланади.
Ёруғлик
Фото: Dissolve
Хонангиз қоронғи, ёруғлик кам бўлса холсиз бўлишингиз табиий. Организмдаги уйқу гармони — мелатонин синтези ёруғлик даражасига боғлиқ бўлади, яъни хона қоронғи бўлса кишини уйқу босади. Шунинг учун эрталаб ўрнингиздан туришингиз билан биринчи бўлиб пардаларни кўтариб, деразани очинг, хонани ёруғлик ва тоза ҳаво билан таъминланг.
