«Тамаки маҳсулотлари бозорини янада тартибга солиш чора-тадбирлари тўғрисида« Президент қарори қабул қилинди. Бу ҳақда Telegram’даги «Ҳуқуқий ахборот» канали хабар берган.

Фото: «Дарё»

Қарорга мувофиқ, 2020 йил 1 июндан импорт қилинадиган қиздириладиган тамаки маҳсулотлари, чекиладиган, чайналадиган, ҳидланадиган, шимиладиган (снюс), чилим учун тамаки, никотинли тамакисиз снюс, таркибида никотин мавжуд суюқликларга акциз солиғи киритилади.

Шу муносабат билан, Ўзбекистон ҳудудига олиб кириладиган, акциз солиғига тортиладиган товарларга акциз солиғи ставкалари қўшимча позициялар билан тўлдирилади.

Унга кўра, қатор тамаки маҳсулотларининг акциз солиғи ставкалари миқдорлари белгиланди.

Жумладан, 2020 йил 1 июндан бошлаб чекиладиган тамакининг 1 килограмми учун 25 АҚШ доллари миқдорида акциз солиғи солинади.

Аввал Ўзбекистонда 1 июлдан лойиҳа-қидирув, 1 сентябрда қурилиш-пудрат ташкилотларининг электрон рейтинги жорий этилиши, коронавирус сабаб фаолиятини тўхтатган ЯТТларга даромад солиғи ва ижтимоий солиқни ҳисоблаш тўхтатилиши, турфирмалар ва меҳмонхоналар 2020 йил охиригача ер ва мол-мулк солиғидан озод этилгани ҳақида хабарлар берилган.