«Тамаки маҳсулотлари бозорини янада тартибга солиш чора-тадбирлари тўғрисида« Президент қарори қабул қилинди. Бу ҳақда Telegram’даги «Ҳуқуқий ахборот» канали хабар берган.
Қарорга мувофиқ, 2020 йил 1 июндан импорт қилинадиган қиздириладиган тамаки маҳсулотлари, чекиладиган, чайналадиган, ҳидланадиган, шимиладиган (снюс), чилим учун тамаки, никотинли тамакисиз снюс, таркибида никотин мавжуд суюқликларга акциз солиғи киритилади.
Шу муносабат билан, Ўзбекистон ҳудудига олиб кириладиган, акциз солиғига тортиладиган товарларга акциз солиғи ставкалари қўшимча позициялар билан тўлдирилади.
Унга кўра, қатор тамаки маҳсулотларининг акциз солиғи ставкалари миқдорлари белгиланди.
Жумладан, 2020 йил 1 июндан бошлаб чекиладиган тамакининг 1 килограмми учун 25 АҚШ доллари миқдорида акциз солиғи солинади.
Мавзуга доир: Ҳукумат қарори билан хусусий нотариусларнинг фуқаролик жавобгарлигини мажбурий суғурта қилиш тартиби белгиланди
Изоҳ (0)