“Tamaki mahsulotlari bozorini yanada tartibga solish chora-tadbirlari to‘g‘risida“ Prezident qarori qabul qilindi. Bu haqda Telegram’dagi “Huquqiy axborot” kanali xabar bergan.
Qarorga muvofiq, 2020-yil 1-iyundan import qilinadigan qizdiriladigan tamaki mahsulotlari, chekiladigan, chaynaladigan, hidlanadigan, shimiladigan (snyus), chilim uchun tamaki, nikotinli tamakisiz snyus, tarkibida nikotin mavjud suyuqliklarga aksiz solig‘i kiritiladi.
Shu munosabat bilan, O‘zbekiston hududiga olib kiriladigan, aksiz solig‘iga tortiladigan tovarlarga aksiz solig‘i stavkalari qo‘shimcha pozitsiyalar bilan to‘ldiriladi.
Unga ko‘ra, qator tamaki mahsulotlarining aksiz solig‘i stavkalari miqdorlari belgilandi.
Jumladan, 2020-yil 1-iyundan boshlab chekiladigan tamakining 1 kilogrammi uchun 25 AQSh dollari miqdorida aksiz solig‘i solinadi.
Mavzuga doir: Hukumat qarori bilan xususiy notariuslarning fuqarolik javobgarligini majburiy sug‘urta qilish tartibi belgilandi
Izoh (0)