Қозоғистонда коронавирус билан касалланганлар сони 629 нафарга етди. Бу ҳақда Tengrinews хабар берди.
Маълум қилинишича, касалланганлар сони бўйича Нур-Султон шаҳри етакчилик қилмоқда, шаҳарда 219 нафар бемор қайд этилган. Олмаота шаҳрида эса касалланганлар сони 116 кишига етган. Кейинги ўриндан эса Қарағанда вилояти (48 нафар бемор) жой олган.
Шунингдек, Оқмола вилоятида 42 киши, Атироу вилоятида 29 киши, Жамбил вилоятида 35 киши, Чимкентда 14 киши, Шарқий Қозоғистон вилоятида 6 киши коронавирус юқтиргани аниқланган. Бундан ташқари, коронавирусга чалинганлар Олмаота вилоятида 10 кишини, Ақтўбе вилоятида 11 кишини, Шимолий Қозоғистон вилоятида 29 кишини, Павладор вилоятида 1 кишини, Манғистов вилоятида 5 кишини, Қизилўрда вилоятида 37 кишини, Ғарбий Қозоғистон вилоятида 2 кишини, Туркистон вилоятида 28 кишини ва Костанай вилоятида 1 кишини ташкил этмоқда.
Аввалроқ Қозоғистоннинг Манғистов вилоятида икки нафар ўзбекистонликда коронавирус аниқлангани ҳақида хабар берилган эди.
Изоҳ (0)