Қозоғистонда коронавирусга чалинганлар сони 551 кишига етди

Қозоғистонда коронавирус билан касалланиш бўйича яна 20 та ҳолат қайд этилди. Бу ҳақда мамлакат Соғлиқни сақлаш вазирлигига таяниб, «Inform бюро» хабар берди.

«Коронавирус билан касалланганлар Жамбил вилоятида — 17 нафар, Шимолий Қозоғистон вилоятида — 1, Туркистон вилоятида эса — 2 нафарни ташкил қилади», — дейилади хабарда.

5 апрель ҳолатига кўра, мамлакатда коронавирус инфекциясини юқтириб олганлар сони 551 кишини ташкил этмоқда:

• Нур-Султон — 219;
• Олмаота — 110;
• Қизилўрда вилояти — 30;
• Атирау вилояти — 22;
• Қарағанда вилояти — 27;
• Оқмўла вилояти — 20;
• Олмаота вилояти — 10;
• Туркистон вилояти — 25;
• Жамбил вилояти — 28;
• Оқтўбе вилояти — 10;
• Шимолий Қозоғистон вилояти — 25;
• Чимкент — 13;
• Шарқий Қозоғистон вилояти — 5;
• Ғарбий Қозоғистон вилояти — 2;
• Павлодар вилояти — 1;
• Кўстанай вилояти — 1;
• Манғистов вилояти — 3  та ҳолат.