Англия Премьер Лигаси клублари футболчиларни маошнинг 30 фоизидан воз кечишга ёки тўлов муддатини кечиктиришга интилмоқда.
The Telegraph нашрининг хабар қилишича, футболчиларга АПЛ клублари коронавирус пандемияси туфайли юзага келган инқороз пайтида 1,1137 миллиард фунт йўқотиши мумкинлиги айтилган.
Премьер Лига футболчилар учун молиявий йўқотишлар ҳисолаб чиқилган махсус презентация тайёрлаган. Агар мавсум ўйналмай қолиб кетса, ташкилот трансляциялар сабаб 762 миллион фунт йўқотади. Бунга қўшимча 200 миллион ўйин кунларидаги даромад, яна 175 миллион ҳомийлик шартномаларидаги йўқотишлар.
АПЛ клублари футболчиларнинг вакилларига ўйинчилар маоши клуб харажатларининг ярмини ташкил этишини маълум қилди. Ҳисоб китобларга кўра маошнинг 30 фоизга қисқариши ёки тўлов муддатининг кечиктирилиши 570 миллион фунт тежаб қолишни таъминлайди. Бу умумий — 1,137 миллиард йўқотишнинг деярли ярмини қоплайди.
Лига клублари вазият ўнглангач одатий тўлов тизимини йўлга қўйишга ваъда берган. Футболчилар таклифни кўриб чиқишга рози бўлган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)