Қизларни ҳар куни бир савол қийнайди: бугун нима кийсам экан? Нима кийишни билмай гардероб қаршисида ўйга толадиган нозик жинс вакиллари учун универсал бўлган оқ футболка билан қандай образлар яратиш мумкинлиги ҳақида тавсия берамиз.

Фото: Getty Images

Шим

Фото: SМ News

Оқ рангнинг ўзига хослиги шундаки, уни исталган ранг билан мослаш мумкин. Спорт ёки бошқа услубда кийинишни истаганлар учун оқ футболка ва шим яхши танлов. Бел қисми юқори ва паст қисми кенг бўлган шим билан балетка кийиб, бўйнингизга ёрқин рангдаги шарф боғласангиз, жозибадор образ; жинси ёки бел қисмида резинкаси бор шим билан кроссовка кийиб, спорт услубини яратишингиз мумкин.

Юбка

Фото: Wомаnews

Оқ футболка билан исталган узунликдаги ёки бичимдаги юбкани мослаш мумкин. Асосийси, об-ҳаво ва қаерга боришингиз. Баҳор-ёз мавсумида этаклари кенг, шифон матоли, тиззадан паст узунликдаги юбкалар тавсия қилинади.

Жинси

Фото: «Азбуки стиля»

Жинси ва оқ футболка исталган мавсумда мослаш мумкин бўлган универсал кийим-кечак ҳисобланади. Айниқса, кундалик образ ва шошаётганда нима кийишни билмайдиганлар учун айни муддао. Жинси шим бўладими, юбка ёки шорти — оқ футболка билан мослашиб кета олади.

Шорти

Фото: Getty Images

Шорти танлашда қоматингизга тўғри баҳо беришни унутманг. Асосийси эса сиз танлаган ушбу кийимда ўзингизни қулай ҳис қилишингиздир. Образингизга, албатта, блейзер қўшишни унутманг. Пойабзални қандай танлашни эса қатъий қоидаси йўқ, фантазиянгизни ишга солсангиз бўлгани.