Хитойда ўтган бир сутка ичида коронавирусдан 1 киши вафот этди, касалликни четдан юқтириш билан боғлиқ 48 та янги ҳолат аниқланди, 282 нафар бемор тузалди, деб хабар бермоқда «РИА Новости» мамлакат Соғлиқни сақлаш миллий комиссияси маълумотларига таяниб.
Унда айтилишича, Хитойда умумий ҳисобда коронавирусни четдан юқтириш билан боғлиқ 771 та ҳолат қайд этилган. Улардан 667 киши касалланганлигича қолмоқда (шундан 18 нафарининг аҳволи оғир), 104 киши тузалган, четдан келган касалланганларнинг вафот этгани ҳозирча қайд этилмаган.
«Соғлиқни сақлаш миллий комиссияси 31 та провинциядан (туманлар, марказга бўйсунувчи шаҳарлар) янги турдаги коронавирус билан жами 81 518 киши касаллангани ҳақида маълумот олди. Хусусан, ҳозирги вақтда 2 161 киши даволанмоқда (528 нафари оғир аҳволда), 76 052 киши касалхонадан чиқарилган, 3 303 нафар бемор вафот этган», — дейилади хабарда.
Мавзуга доир: Коронавирус сабаб дунёда бўшаб қолган шаҳарларининг сунъий йўлдошдан олинган суратлари эълон қилинди
Гонконгда эса касалланиш бўйича 682 та (улардан 4 нафари вафот этган, 124 нафари даволанган), Макаода 39 та (10 киши соғайиб кетган), Тайванда эса 306 та ҳолат (улардан 5 нафари вафот этган ва 39 киши тузалган) қайд этилган.
Эслатиб ўтамиз, Хитой Ташқи ишлар вазирлиги 28 мартдан бошлаб дунё бўйлаб коронавирус пандемияси тарқалиши сабаб визаси бор ёки яшаш ҳуқуқига эга бўлган чет элликларнинг мамлакатга киришини вақтинча чеклади. Аввалроқ Хитойда коронавирусни четдан юқтириш бўйича бир суткада 54 та янги ҳолат аниқлангани ҳақида хабар берилган эди.
Сўнгги маълумотларга кўра, дунё бўйича коронавирус қурбонлари сони 31 мингдан ошди, 680 мингга яқин одам касалланган. Ўзбекистонда коронавирус инфекцияси билан касалланганлар сони 158 нафарга етди.
Изоҳ (0)