Tramp — yahudiy, Makron — polyak. Gradient dasturi dunyo yetakchilarining millatini aniqladi

Tarmoqlarda insonning etnik kelib chiqishini suratiga qarab aniqlaydigan Gradient dasturi mashhurlikka erishmoqda. Cosmopolitan nashri ushbu dasturning noodatiy funksiyasini sinovdan o‘tkazishga qaror qilib, turli davlatlarning prezidentlari suratlaridan foydalandi.

Vladimir Putin

Dasturda Rossiya prezidenti Vladimir Putinning kelib chiqishi borasida hech qanday shubha yo‘q ko‘rinadi: uni 44 fozi rus millatiga mansub deb topgan. Shuningdek, Rossiya prezidentining nemislar va arablarga xos chizgilari borligini ko‘rsatgan.

Donald Tramp

AQSh prezidenti Donald Trampni esa Gradient “toza yahudiy” deb ko‘rsatgan. Trampning ushbu millat vakillari bilan alohida munosabatlari bor. Uning qizi Ivanka biznesmen Jared Kuchnerga turmushga chiqib, iudaizmni qabul qilgan. Trampning 14 foizigina amerikaliklarga o‘xshashligi hayratlanarli.

Aleksandr Lukashenka

Aleksandr Lukashenkoni esa dastur rus millatiga mansub qilib ko‘rsatgan. Raqamlarga ishoniladigan bo‘lsa, Belarus prezidentining 29 foizi — fransuz, 23 foizi — nemis.

Angela Merkel

Gradient Angela Merkelni irlandiyalik deb topdi. Aslida esa Germaniya kansleri ona tomondan polyaklarga borib taqaladi. Biroq dastur negadir buni ko‘rsatmagan. Shunga qaramay, uning yuzida slavyanlarga o‘xshashlik borligi ta’kidlangan.

Vladimir Zelenskiy

Vladimir Zelenskiyning yuz proportsiyasiga ko‘ra, uning ajdodlari orasida ruslar, yahudiylar, amerikalik va armanlar borga o‘xshaydi.

Emmanuel Makron

Tajriba Fransiya prezidenti Emmanuel Makronning 71 foizini polyak, 23 foizini shved va 5 foizini rus deb ko‘rsatgan.

Yelizavetta II

Vindzorlar avlodining qirolichasida esa nemislarga o‘xshash jihatlar aniqlangan. 1840-yilda Yelizaveta II ning buvisini buvisi Viktoriya “nemis shahzodasi”ga turmushga chiqqan: Uning eri Saksen-Koburg-Gotlar sulolasidan bo‘lgan Albert edi.

Kim Chen In

Kim Chen In mazkur tizimni butkul yo‘qqa chiqargan. Dastur Shimoliy Koreya yetakchisini argentinalik deb ko‘rsatgan. Gradient osiyoliklarning yuz tuzilishini tanimagani g‘alati…