UFC’нинг енгил вазндаги чемпиони Ҳабиб Нурмагомедов 18 апрель кунги Тони Фергюсонга қарши жанги бекор қилинишини эълон қилди.
«Ҳамма чегаралар ёпиқ. Бутун дунё карантинда. Ҳозир менга маълумот келди. Маълум бўлишича, UFC АҚШнинг штатларидан бирида мусобақа ўтказишга тайёргарлик кўраётган экан. Чегаралар ёпиқ бўлганлиги учун мен айни дамда Россиядан ҳеч қаерга чиқиб кета олмайман. Шундай экан жанг менсиз ўтиши ҳақида кетмоқда. Қарши эмасман. Майли буни қоидаларга кўра қилишаверишсин. Спортчилар эса ҳаёт кечиришлари учун жанг қилишлари керак эканлигини тушунаман. Билишимча, Тони Фергюсоннинг рақиби бошқа бўлади», — дейди Ҳабиб Нурмагомедов Instagram’даги жонли эфир вақтида.Мавзуга доир: «Ҳар қандай рақиб билан жанг қилишга тайёрман, фақат жой ва вақтини айтинг» — Ҳабиб Нурмагомедов
Шу тариқа UFC’нинг Ҳабиб—Тони жангини ташкил этишга қаратилган бешинчи уриниши ҳам самарасиз якунланадиган бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)