Ўзбекистон Ташқи ишлар вазирлигида ҳужжатларни қоғоз кўринишида қабул қилиш тўхтатилгани маълум қилинди. Бу ҳақда ТИВ ахборот хизмати хабар берган.
Фото: «Дарё»
Хабарга кўра, вақтинча чеклов чоралари киритилиши муносабати билан ҳамда коронавирус инфекцияси тарқалишининг олдини олиш мақсадида Ўзбекистон Республикаси Ташқи ишлар вазирлиги 2020 йил 27 мартдан бошлаб қоғоз кўринишидаги ҳужжатларни қабул қилишни вақтинча тўхтатади.
ТИВ хат ва мурожаатларни «info@mfa.uz» электрон манзили орқали қабул қилиниши ва мурожаатчилардан мактубларни электрон нусхада юборишни сўраган.
Мавзуга доир:
- Шавкат Мирзиёев ва Гурбангули Бердимуҳамедов коронавирус тарқалишининг олдини олиш масалаларини муҳокама қилди
- Коронавирусдан вафот этган киши қандай дафн этилади? Ўзбекистон мусулмонлари идораси жавоб берди
- Коронавирус тарқалишининг олдини олиш мақсадида Ўзбекистонда 21 та ЙПХ маскани ва 60 та постнинг фаолияти қайта тикланди
Аввал Ўзбекистонда ўта заруратсиз уйдан чиқиш ва кўчада 3 нафардан ортиқ бўлиб тўпланиш тақиқлангани, АТК вазирлиги интернет ва телефон 2 ой ўчирилмаслиги ҳақидаги хабарларга расмий изоҳ бергани, республикада жамоат жойларида ниқоб тақмаган 178 киши 61,8 миллион сўм жаримага тортилгани ҳамда Ўзбекистонда коронавирусга чалинганлар сони 88 нафарга етгани ҳақида хабарлар берилган.
