Гранит – бугунги кунда қурилиш ва меъморчиликда фаол фойдаланиладиган энг кенг тарқалган ва шу билан бирга энг машҳур тоғ жинсларидан бири. Бунинг сабаби гранитнинг юқори эксплуатацион хусусиятларида: энг аввало, мустаҳкамлигида. Ундан ташқари, гранит – бу бой ранглар палитрасига эга бўлган ва қурилиш материалларининг бошқа турлари билан яхши уйғунлашадиган ғоят гўзал, «серҳашам» тошдир. Дарвоқе, гранитнинг қурилишда фаол қўлланилиши нафақат материалнинг мустаҳкамлигига, балки унга ишлов беришнинг осонлигига ҳам боғлиқ. Шу туфайли гранитга турли шакллар ва юза фактураси берилади.
Сунъий қурилиш материалларининг кўплаб турлари пайдо бўлишига қарамай, гранит уларга ўз ўрнини бўшатиб бераётгани йўқ. Мисол тариқасида пойтахтдаги Hilton меҳмонхонаси ва Tashkent City боғини олишимиз мумкин, у ерларда табиий тошдан фойдаланилган майдон 70 минг квадрат метрни ташкил қилади. Бунда (AKFA компаниялар гуруҳига кирувчи) GRANITE INDUSTRIES TECHNOLOGY корхонаси томонидан максимал даражада эҳтиёткорлик билан, яъни материални келажакда шикастланишини ва ёрилишини олдини олиш мақсадида тоғ жинсидан бутун блок қилиб кесиб олиниш орқали олинган юқори сифатли гранит қўлланилган.
Компания ишлаб чиқаришнинг табиатга эҳтиёткорона муносабатда бўлишни устувор вазифалардан бири, деб ҳисоблайди, шу боис қазиб олишни атроф муҳитга имкон қадар зарар етказмаган ҳолда амалга оширади. Нурота тоғлари заминида бундай табиат муҳофазаси услубида ҳар ой деярли 2 минг кубометр табиий тош қазиб олинади, бу корхонанинг республика миқёсида гранит қазиб олиш ва унга ишлов беришда етакчи ўринларга чиқиб олишига имкон берди. Шу ўринда, қазиб олинаётган табиий тош қурилиш материалларининг 1-тоифасига тўғри келади, бу эса унинг юқори сифатини ва унда радиациянинг йўқлигини тасдиқлайди.
Коннинг замонавий тош қазиб олиш ускунаси ва тоғ жинсларини тозалаш учун тегишли махсус техника воситалари билан жиҳозланиши учун компания томонидан шахсий маблағлар ҳисобидан 1,5 млн. доллар миқдорида сармоя киритилди. Шу билан бирга бу ерда муносиб маош ва аъло даражадаги иш шароитлари билан 51 та иш ўрни яратилди.
Бундай эҳтиёткорона услубда қазиб олинган табиий тош пойтахтнинг Сергели тумани жанубий саноат зонаси ҳудудида жойлашган ва 14 000 кв. м.дан зиёд майдонни эгаллаган тошга ишлов бериш заводига жўнатилади. 5-6 ой сарфланган ушбу завод қурилишига 5 млн. доллардан зиёд инвестиция киритилди. Технологик ускуналарни харид қилиш харажатлари ҳам шу жумладан. Заводда гранит палахсаларини кесиш, сувли ишлов бериш, сайқаллаш ва қирраларга ишлов бериш учун 60 дан ортиқ техника воситалари мавжуд. Аҳамиятга молик жиҳати шундаки, завод 179 нафар ишчини иш ўринлари билан таъминлади, унинг ишлаб чиқариш қуввати ойига қарийб 20 000 кв. м. тайёр маҳсулотни ташкил қилди. Заводдаги ишлов бериш усуллари бир қатор устунликларга эга: масалан, GRANITE INDUSTRIES TECHNOLOGY кесиш услуби буюртмани бажаришда миллиметрларгача аниқликка эришишга ёрдам беради ва буюртмачининг техник вазифаси бўйича исталган маҳсулотни бажариш имконини беради.
Компания мижознинг истагига мувофиқ яхлит сляб (гранит заготовка)лар ҳам ишлаб чиқаради, уларни буюртмачининг техник вазифасига мувофиқ арралаб ҳам беради, бу эса кенг кўламли лойиҳалар давомида сезиларли даражада вақтни тежашга ва ишнинг сифатсиз бўлмаслигига имкон беради. Тошга WаterJet аппарати билан ишлов бериш ҳам анъанавий усулларга нисбатан вақтни аҳамиятли тежайди, гранитнинг ярқирашига ва чиқиндилар миқдорини камайишига хизмат қилади. Ажралиб чиқадиган қолган чиқиндилар юқори мустаҳкамликка эга гранит увоқларидан прессланган ғишт ишлаб чиқаришга йўналтирилади, бу жараённи ҳам AKFA амалга оширади.
GRANITE INDUSTRIES TECHNOLOGY бир жойда турмайди – айни пайтда Stone-бозор деб номланмиш корхонанинг ишлаб чиқарилаётган юқори сифатли маҳсулотлари аҳолига сотиладиган майдоннинг қурилиш ишлари амалга оширилмоқда. Албатта, келажакда компания иш ўринлари сонини ва ишлаб чиқариш қувватини оширишни режалаштирган.
Қўшимча маълумот:
Facebook: fb.com/akfastone
Instagram: @akfastone
Реклама ҳуқуқи асосида.
Изоҳ (0)