«Ўзгидромет» хабарига кўра, 16—17 март кунлари Ўзбекистонда жуда илиқ ва қуруқ об-ҳаво сақланиб туради. Ҳаво ҳарорати 20-25 даража, мамлакат шимоли, жануби ва чўл зонасида 26-28 даражагача исийди.
18 март, чоршанба куни республика ҳудудининг катта қисмида об-ҳаво аввалгидек ёғингарчиликсиз бўлади, фақат Тошкент, Самарқанд, Жиззах ва Сирдарё вилоятларида Каспий денгизи ҳудудидан ҳаракат қилаётган кам нам ҳаво оқимининг кириши сабабли кечаси ва эрталаб айрим жойларга кучсиз ёмғир ёғиши мумкин. Ҳаво ҳарорати бироз пасаяди ва 18-23 даражани ташкил қилади.
19 март, пайшанба куни, бутун республика бўйича об-ҳавонинг қуёшли бўлиши ва ҳароратнинг 23-25 даражагача кўтарилиши кутилмоқда.
20—21 март кунлари Ўзбекистон ҳудудига Каспий денгизи ҳудудидан яна нам ҳаво оқими киради, натижада шимоли-ғарбий ва жануби-ғарбий туманларда 20 март, жума куни, марказий, жанубий ва шарқий туманларда, 21 март, шанба куни эса айрим жойларда ёмғир ёғади. Шамолнинг тезлиги секундига 15-20 метргача кучайиши мумкин. Шу кунларда ҳаво ҳарорати 18-23 даражагача пасаяди.
Изоҳ (0)