Самарқанд шаҳридаги ресторанлардан бирида Халқаро хотин-қизлар кунини стриптиз ўйнаб нишонлаган бир гуруҳ қизлар қўлга олинди. Бу ҳақда СТВ телеканали хабар бермоқда.
Маълум бўлишича, 8 март, якшанба куни, соат тахминан 23:00 да «Икром чойхонаси» ресторанида дам олаётган ёш қизлар жанжал кўтарган. Гувоҳларнинг сўзларига кўра, маст бўлган қизлар ўзларини ноўрин тутиб, кийимларини ечиб, стриптиз тушишни бошлаган. Уларнинг бу ҳаракати ресторандаги бошқа мижозларда норозилик келтириб чиқарган.
Ресторан маъмурияти улардан ҳисобни тўлаб, ресторанни тарк этишни сўраган бўлса ҳам, қизлар ўйин-кулги қилиб рақсга тушишда давом этган. Шундан сўнг ресторан раҳбарияти ҳуқуқ-тартибот органларини чақиришга мажбур бўлган.
Бироқ ширакайф бўлган қизлар қаршилик кўрсатиб, уларни уятли сўзлар билан ҳақоратлаган. Миллий гвардия ходимлари келганидан сўнггина вазиятни ҳал қилиш ва қизларни милиция бўлимига юборишга эришилган.
Айни пайтда воқеанинг барча иштирокчилари қўлга олиниб, сўроқ қилинмоқда, воқеа сабаби ва келтирилган зарар миқдори аниқланмоқда.
Изоҳ (0)