Россиянинг Екатеринбург шаҳрида 2017 йилда жанжал оқибатида ўзининг йўловчисини ўлдирган ўзбекистонлик таксичи Ойбек Носиров саккиз йилга озодликдан маҳрум қилинди. Бу ҳақда «Городовой» хабар берди.
Маълум бўлишича, 2017 йилнинг май ойида кечки пайт таксичи 29 ёшли екатеринбурглик эркакни ўз манзилига олиб бориб қўйиш бўйича буюртма олган. Йўловчи маст бўлган ва манзилига етгач, йўл ҳақини тўлашдан бош тортган.
Шундан сўнг, таксичи ва йўловчи ўртасида жанжал келиб чиққан. Йўловчи машинадан чиқиб кетган, бироқ ҳайдовчи унга етиб олган ҳамда унинг кўкраги ва бошига отвёрка билан зарба берган. Йўловчи тез ёрдам етиб келгунига қадар воқеа жойида вафот этган. Қайд этилишича, таксичи норасмий равишда ишлаган.
Хабар берилишича, суд ҳукми аввалроқ чиқарилган, бироқ юқори инстанция суди уни бекор қилган ҳамда ишни қайта кўриб чиқиш учун жўнатган. Такрорий суд иши натижасида, ўзбекистонлик таксичи саккиз йилга озодликдан маҳрум этилган.
Аввалроқ, Наманганда 74 ёшли аёлни уриб ўлдирган қотил 20 йилга қамалгани ҳақида хабар берилган эди.
Изоҳ (0)