Ўзбекистоннинг 55 та аэропорти, темир йўл ва автовокзалларида, шунингдек, бошқа жамоат жойларида 4 Мбит/секунд тезликдаги Wi-Fi нуқталари пайдо бўлади. Бу ҳақда Туризмни ривожлантириш давлат қўмитасига таяниб, Spot хабар берди.
Бундан ташқари мамлакат бўйлаб 650 та компания интернетга симсиз уланган. 2019 йилда Ўзбекистонда жами 2 мингга яқин бепул Wi-Fi нуқталари пайдо бўлган. 2020 йилнинг охирига қадар уларнинг сонини 2614 тага етказиш режалаштирилган.
Шунингдек, ўтган йили меҳмонхоналарга камида 4 Мбит/с тезликдаги интернет, шу жумладан, Wi-Fi орқали уланишни таъминлаш талаблари қўйилган.
Тошкент темир йўл вокзалларида 2019 йил февралида 100 Мб/с тезлигида бепул Wi-Fi пайдо бўлганди. Лойиҳага SOLA савдо белгиси остида фаолият олиб борувчи Asia Wireless Group корхонаси жалб этилган.
Кассадан чипта сотиб олаётган чет элликларга интернетга кириш учун махсус ваучер тақдим этилган. Бепул уланиш чекланган вақт давомида амал қилган, кейинчалик симсиз тармоқдан фойдаланиш пулли бўлган.
Эслатиб ўтамиз, 2018 йилнинг октябрида Ўзбекистонда бепул Wi-Fi ҳудудларини ташкил этиш орқали сайёҳлар норозилигига барҳам берилиши маълум қилинганди. 2019 йилнинг майида эса Ўзбекистон темир йўл вокзалларидаги бепул хизматлар турлари аниқлаштирилган эди.
Изоҳ (0)