УЕФА Англиянинг «Манчестер Сити» клубини Европа Чемпионлар Лигасининг келаси икки мавсумда иштирок этиш ҳуқуқидан маҳрум этди.
«Сити» УЕФАни чалғитгани ва молиявий фейр-плей қоидаларини бузганлиги учун Европанинг клублар ўртасидаги энг нуфузли мусобақасидан четлатилган. Шунингдек, клуб 30 миллион евро миқдорида жарима тўлаши ҳам кўзда тутилган. Агар «Манчестер Сити» Англия Премьер Лигасининг келаси икки мавсумида Чемпионлар Лигасига йўлланмани қўлга киритган тақдирда ҳам 2020/21 ҳамда 2021/22 йилги мавсум мусобақаларида иштирок эта олмайди.
Қайд этиш жоиз, «шаҳарликлар» ушбу қарор юзасидан Халқаро спорт арбитраж судига мурожаат қилиши мумкин.
Маълумот учун, Пеп Гвардиола шогирдлари Чемпионлар Лигасининг 2019/20 йилги мавсум 1/8 финалида Мадриднинг «Реал»ига тўқнаш келган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)